ԵՐԵՎԱՆ, 2 հունիսի —Sputnik. ՀՀ ՍԱՊԾ –ում այս պահին քննարկում են ԵԱՏՄ տարածք ապօրինի ներկրված սննդամթերքը ոչնչացնելու ՌԴ «Ռոսսելխոզնադզորի» առաջարկը։ Այս մասին Sputnik Արմենիային հայտնեցին ՀՀ ՍԱՊԾ–ից։
«Ռոսսելխոզնադզորի» ղեկավար Սերգեյ Դանկվերտը Եվրասիական տնտեսական միության անդամ երկրներին առաջարկել է ոչնչացնել այն մթերքը, որն ուղեկցող փաստաթուղթ չունի։ Նրա խոսքով` ներկա ընթացակարգի համաձայն՝ արտադրանքը վերադարձվում է մատակարարին, ինչը չի երաշխավորում, որ այդ մթերքը չի հասնի սպառողին։
Այսօր Ռուսաստանում ոչնչացվում է միայն ԵՄ-ի երկրներից, ԱՄՆ-ից, Ավստրալիայից, Կանադայից և Նորվեգիայից ներկրվող անօրինական մթերքը։
