ԵՐԵՎԱՆ, 2 հունիսի — Sputnik. Շանսոնի լեգենդ Շառլ Ազնավուրի հետ լուսանկարը համացանցում հրապարակել է Հայաստանի ֆուտբոլի ազգային հավաքականի և անգլիական «Մանչեսթեր Յունայթեդ» թիմի ֆուտբոլիստ Հենրիխ Մխիթարյանը։
«Այնքան հաճելի է հանդիպել լեգենդար Մաեստրոյի հետ», — ֆեյսբուքյան իր էջում ֆուտբոլիստն այսպես է մակագրել լուսանկարը։
Հայաստանի հավաքականի և «Մանչեսթեր Յունայթեդի» կիսապաշտպան Հենրիխ Մխիթարյանը Հայաստան էր եկել մայիսի 28-ին միջազգային մարդասիրական «Ավրորա» մրցանակաբաշխությանը մասնակցելու համար։
Նույն օրը ՀՀ նախագահի կողմից նա Հայրենիքին մատուցած ծառայությունների համար պարգևատրվել էր 1-ին աստիճանի մեդալով։
Հենրիխ Մխիթարյանը Հայաստանի հավաքականի կազմում պատրաստվում է Սենտ Քիթս և Նևիսի թիմի հետ ընկերական խաղին, ինչպես նաև` Չեռնոգորիայի հավաքականի հետ հանդիպմանը։
