ԵՐԵՎԱՆ, 2 Հունիսի — Sputnik. Իրանցի ռեժիսորները որոշել են խորամանկ կերպով շրջանցել շարիաթի կանոնները և հայտնի սերիալում նկարահանվելու համար հայուհիների են հրավիրել, հայտնում է IslamNews–ը։
Ավանդույթի համաձայն` Իրանում Ռամադանին հայտնի բազմասերիանոց սերիալներ են ցուցադրվում, այս տարի ցուցադրվեց Ջալիլ Սամանի « Նաֆաս » («Շունչ ») ֆիլմը, որը պատմում է 1970-ականների հեղափոխական շարժմանը մասնակցած մի բուժքրոջ մասին։ Հաշվի առնելով, որ մինչև 1979 թվականի հեղափոխությունը ոչ բոլոր կանայք էին Իրանում գլխաշոր կրում, իսկ ֆիլմի հեղինակը ցանկանում էր էկրանին ցուցադրել անցյալի իրականությունը, նրանք ստիպված եղան խորամանկ քայլի դիմել, քանի որ իսլամական հանրապետությունում առանց գլխաշորի կանանցով ֆիլմ նկարահանելն անիրագործելի խնդիր է։
Նկարահանվող խումբը մեկնեց Հայաստան և այնտեղ նկարահանեց կանանց։ Նրանց նկարահանել էին հատուկ կանաչ ֆոնի վրա, կանայք հագնված էին իսլամական կանոններին հակառակ։ Իրան վերադառնալով՝ հայ կանանց կերպարները համակարգչի միջոցով հեռացվել էին կանաչ ֆոնի վրայից և տեղադրվել ֆիլմի տեսանյութում։ Եվրոպական ձևով հագնված կանանց տեսքով իրանցի հեռուստադիտողի զգացմունքները չվիրավորելու նպատակով կանացի մերկ ոտքի կամ ուսի տեսարանները հատուկ աղավաղում են կամ համակարգչի միջոցով քողարկում որևէ առարկայով, օրինակ` տորշերով։
