ԵՐԵՎԱՆ, 2 մայիսի — Sputnik. Եվս մեկ կարևոր քայլ՝ ուղղված զբոսաշրջության զարգացմանը մեր երկրում. ՀՀ վարչապետ Կարեն Կարապետյանն այսպես է բնորոշել Երևան-Աստանա-Երևան նոր չվերթը։
«Այս չվերթի իրականացումը կնպաստի ինչպես զբոսաշրջիկների երկկողմանի հոսքի ապահովմանը, այնպես էլ համագործակցության նոր հնարավորություններ կստեղծի Հայաստանի և Ղազախստանի միջև»,- ֆեյսբուքյան իր էջում գրել է Կարեն Կարապետյանը։
Նշենք, որ ղազախական «ՍԿԱՏ» ավիաընկերության Boeing-737 օդանավն Աստանա-Երևան առաջին ուղիղ չվերթն իրականացրել է մայիսի 31-ին։
