ԵՐԵՎԱՆ, 2 հունիսի — Sputnik. Հայ կիսապաշտպան Հենրիխ Մխիթարյանի գոլը Goal-best.com կայքի վարկածով ներառվեց մայիս ամսվա լավագույն գոլերի ցանկում։
Մայիսի 24-ին Եվրոպայի լիգայի գավաթի խաղարկության եզրափակչի 48-րդ րոպեին Մխիթարյանը «Մանչեսթեր Յունայթեդ» –«Այաքս» խաղում հաղթական գնդակ ուղարկեց մրցակցի դարպասը։
Այդպիսով, Մխիթարյանը դարձավ առաջին հայ ֆուտբոլիստը, որը Եվրոպայի լիգայի գավաթի արժանացավ, միաժամանակ դառնալով անգլիական ակումբի ռմբարկու` խփած վեց գոլերով։ Լավագույն գոլերի ցուցակում ներառվեցին նաև Լորենցո Ինսինյեի(իտալական Նեապոլ), Անդերսոն Տալիսկայի(թուրքական Բեշիկթաշ), Տեո Էրնանդեսի (իսպանական Ալավես), Ուսման Դեմբելեի (Դորտմունտի Բորուսիա), Անդրեյ Մոսկերի (կոլոււմբական Independiente Medellin), Էմրե Ջանի(անգլիական Լիվերպուլ), Պեդորյի(անգլիական Չելսի), Դանիել Պարեխոյի(իսպանական Վալենսիա), Ռիկարդո Պերեյրայի(ֆրանսիական Նիցցա), Ստեվան Յովետիչի(իսպանական Սեվիլիա) և այլ ֆուտբոլիստների գոլերը։
