ԵՐԵՎԱՆ, 1 հունիսի — Sputnik. Ռուսաստանի հավաքականի և մոսկովյան «Սպարտակի» նախկին խաղացող Դինիար Բիլյալետդինովը պատրաստվում է պայմանագիր կնքել նորաստեղծ «Արարատ» ֆուտբոլային ակումբի հետ։ Այս մասին հայտնում է «Սովետսկի Սպորտ» պարբերականը։
Ավելի վաղ ակումբի նախագահ Վալերի Հովհաննիսյանը հայտնել էր, որ բացի Ռոման Պավլյուչենկոյից, «Արարատը» բանակցություններ է վարում ռուսական հավաքականի ևս մեկ ֆուտբոլիստի հետ։
«Արարատ» թիմի խաղացողների մեծ մասը հայկական ծագում ունեցող ռուսաստանցի ֆուտբոլիստներ են։ Թիմն «Արարատ» է կոչվել` ի պատիվ համանուն ակումբի, որը հաղթել է 1973 թվականի ԽՍՀՄ առաջնությունը և արժանացել է Խորհրդային Միության գավաթին (1973 7 1975 թվականներին)։
Ռուսաստանի առաջնության երրորդ դիվիզիոնի խաղերը «Արարատը» ծրագրում է անցկացնել Իգոր Նետտոյի անվան «Սպարտակ» մարզադաշտում։
