ԵՐԵՎԱՆ, 1 հունիսի — Sputnik. Դիմակավորված և զինված մարդիկ Ֆիլիպինների մայրաքաղաք Մանիլայի հյուրանոցներից մեկի մոտ կրակահերթ են բացել։ Նախնական տվյալներով` 25 մարդ վիրավորվել է, գրում է Manila Times-ը։ Ավելի վաղ հաղորդվել էր, որ Մանիլայի Resorts World հյուրանոցային համալիրի մոտ կրակոցներ և պայթյուն է որոտացել։
Միջազգային Կարմիր խաչի տեղի աշխատակիցը հաղորդել է, որ վիրավորներին տեղափոխել են քաղաքային հիվանդանոց։
TINGNAN: May usok na lumalabas sa bahagi ng Resorts World Manila. pic.twitter.com/qeDyt0JbZu
— Michael Joe Delizo (@michael_delizo) 1 июня 2017 г.
Փրկարարների խոսքով` շատ վիրավորներ դեռևս հյուրանոցի ներսում են։ Ոմանք լուրջ վնասվածքներ են ստացել` 2-րդ հարկից թռնելու պատճառով։ Ականատեսները հրապարակել են պայթյունից և կրակոցներից հետո քաղաքի այդ հատվածում ստեղծված խուճապը։
Հյուրանոցային համալիրը գտնվում է Ֆիլիպինների միջազգային օդանավակայանի հարևանությամբ։
Manila Times տվյալներով` հյուրանոցի ներսում նաև հրդեհ է բռնկվել։ Այս պահին հրշեջ մեքենաներն են այնտեղ աշխատում։
