ԵՐԵՎԱՆ, 1 հունիսի – Sputnik. Հարկավոր է հետևել, որպեսզի ճանապարհամերձ գազալցակայաններում, սննդի օբյեկտներում զուգարաններ և աղբամաններ լինեն: ՀՀ կառավարության հունիսի 1-ի նիստում այս մասին հայտարարեց վարչապետ Կարեն Կարապետյանը:
«Ըստ նորմատիվի՝ գազալցակայանը և սննդի օբյեկտները, հասարակական օբյեկտները պետք է ունենան նորմերին համապատասխան որակի զուգարաններ և աղբամաններ»,-ասաց վարչապետը:
Նա մարզպետներին հանձնարարեց հետևել, որ այս պահանջը կատարվի:
«Երբ ոստիկանությունը բռնում է նրանց, ովքեր աղտոտում են ճանապարհները, նրանք արդարանում են, որ կիլոմետրերով ոչ մի աղբաման չկա»,- նշեց վարչապետը:
Կարեն Կարապետյանը շեշտեց` դրանք պետք է լինեն, որովհետև դա գործող նորմ է, հարկավոր է միայն հետևել, որ կատարվի:
