ԵՐԵՎԱՆ, 1 հունիսի — Sputnik. System of a Down ռոք խմբի եվրոպական շրջագայությունից ստացված հասույթի մի մասը կուղղվի Հայաստանի երեխաներին և ծերերին օգնելուն՝ տարբեր ծառայությունների միջոցով: Խմբի անդամ Սերժ Թանկյանն այս մասին գրառում է կատարել ֆեյսբուքյան իր էջում:
«SOAD-ի բարեգործության VIP-փաթեթները ձեռք բերելու դեպքում դուք կստանաք մեր համերգի տոմսը ձեր քաղաքում, խմբի մասնակիցների հետ հանդիպելու ու շփվելու հնարավորություն, ինչպես նաև եզակի հնարավորություն՝ աջակցելու Հայաստանի երեխաներին և մեծահասակներին. Հավաքված գումարը կփոխանցվի «Օրրան» կազմակերպությանը, որն օգնում է Հայաստանի և Արցախի կարիքավոր ընտանիքներին», — գրել է Թանկյանը:
Խմբի եվրոպական շրջագայությունը մեկնարկում է հունիսի 1-ից՝ Ցյուրիխում:
