ԵՐԵՎԱՆ, 1 հունիսի — Sputnik. Երեխաների պաշտպանության միջազգային օրվա կապակցությամբ «Մուրացան» հիվանդանոցի Մանկական և նորածնային վերակենդանացման բաժանմունքում նոր մասնաշենք բացվեց։
Կենտրոնի ընդլայնումը հետաքրքիր նախապատմություն ունի: 2016 թվականին «Մուրացան» հիվանդանոցային համալիրի բժիշկները պարգևատրվել են ՀՀ նախագահի կողմից և ստացել են դրամական պարգև: Նշանակալի ավանդի համար ստացած դրամական պարգևը բժիշկները փոխանցել են հիվանդանոցին, որի արդյունքում նախաձեռնությանը միացել են անհատներ ու կազմակերպություններ, ինչի շնորհիվ այսուհետև Մանկական և նորածնային վերակենդանացման բաժանմունքը հնարավորություն կունենա առավել մեծ քանակությամբ փոքրիկների տրամադրել բուժօգնություն։
![Երևանում Մանկական և նորածնային վերակենդանացման բաժանմունքում նոր մասնաշենքի բացման արարողությունը Երևանում Մանկական և նորածնային վերակենդանացման բաժանմունքում նոր մասնաշենքի բացման արարողությունը - Sputnik Արմենիա](https://cdn.am.sputniknews.ru/img/750/92/7509211_0:0:1599:1004_600x0_80_0_0_24556f3051cef91871a0d40f06258ead.jpg)
![Երևանում Մանկական և նորածնային վերակենդանացման բաժանմունքում նոր մասնաշենքի բացման արարողությունը Երևանում Մանկական և նորածնային վերակենդանացման բաժանմունքում նոր մասնաշենքի բացման արարողությունը - Sputnik Արմենիա](https://cdn.am.sputniknews.ru/img/750/92/7509287_0:195:1599:1200_600x0_80_0_0_ce2efb1c19622c9c5ec6088fc7433be2.jpg)
![Երևանում Մանկական և նորածնային վերակենդանացման բաժանմունքում նոր մասնաշենքի բացման արարողությունը Երևանում Մանկական և նորածնային վերակենդանացման բաժանմունքում նոր մասնաշենքի բացման արարողությունը - Sputnik Արմենիա](https://cdn.am.sputniknews.ru/img/750/94/7509409_0:0:1600:1004_600x0_80_0_0_db076abb170b02ea531e0bf57e3a4ab8.jpg)
Նոր մասնաշենքի բացումից հետո Հայաստանի ԱՆ գլխավոր մանկական անեսթեզիոլոգ-ռեանիմատոլոգ Հրանտ Կալենտերյանը Sputnik Արմենիայի հետ զրույցում նշեց, որ նոր պայմաններն ու նոր հիվանդասենյակները նոր տեխնոլոգիաներ են ենթադրում։
«Այժմ բանակցություններ են տարվում մի շարք ընկերությունների հետ և նախատեսվում է նոր տեխնոլոգիաներ ձեռք բերել։ Մեզ համար կարևոր է ոչ թե հիվանդասենյակների, այլ մահճակալների քանակը։ Այսինքն, յոթ նոր վերակենդանացման մահճակալներ են հայտնվել և 13 սովորական մահճակալ կողքի բաժանմունքում, քանի որ մեր նախկին հիվանդասենյակների մի մասը մենք տալիս ենք հարևան բաժանմունքին, որը նույնպես մեծ ծանրաբեռնվածությամբ է աշխատում», — նշեց բժիշկը։
Կալենտերյանի խոսքով` հիվանդանոցը համալսարանական է, այդ իսկ պատճառով փորձի փոխանակման հարցն արտերկրի գործընկերների հետ սուր է դրված։
«Այսօր նոր մասնաշենքի բացմանը Գերմանիայից բժիշկ է ժամանել։ Բացի այդ մեր մասնագետներն այս տարի կմեկնեն Ֆրանսիա, ԱՄՆ և Պորտուգալիա։ Մենք կապեր ունենք աշխարհի մի շարք առաջատար կլինիկաների և մասնագետների հետ, որոնք ժամանում են մեզ մոտ և դասընթացներ անցկացնում», — ավելացրեց նա։
ԵՊԲՀ-ի ռեկտոր Արմեն Մուրադյանն իր հերթին նշեց, որ բաժանմունքի բացումը հնարավոր է դարձել այն բժիշկների շնորհիվ, որոնք դրամական միջոցներ են փոխանցել բուժհաստատությանը։
Ընդհանուր առմամբ նոր մասնաշենքը բացելու համար 30 մլն դրամ է ծախսվել։
«Արդյունքում մենք նոր բաժանմունք ունենք, երկու նոր ռեանիմոբիլ, որոնք թույլ են տալիս մեզ արձագանքել քաղաքացիների կանչերին, Տավուշի մարզից Սյունիք մեկնել, Շիրակից մինչև Գեղարքունիք` նորածիններին օգնություն տրամադրելով», — ասաց ռեկտորը։
Նախագծի շրջանակում ձեռք են բերվել նաև նոր ռեանիմոբիլներ, որոնց շնորհիվ ձմռան բարդ եղանակային պայմաններում հաջողվել է բուժօգնություն տրամադրել քաղաքացիներին։ Բաժանմունքը, մասնագետի խոսքով, կկրճատի մահացության դեպքերը երեխաների շրջանում, մեկ տարվա ընթացքում բժիշկները կկարողանան սպասարկել 700 կանչ, որոնցից 400-ը` մարզերից։