ԵՐԵՎԱՆ, 31 մայիսի — Sputnik. Հայաստանի արտգործնախարարությունը ցավակցություն է հայտնել Իրաքի և Աֆղանստանի մայրաքաղաքներում տեղի ունեցած ահաբեկչությունների կապակցությամբ։
«Ահաբեկչությունը սոսկալի երևույթ է, հատկապես կրոնական տոների ընթացքում։ Մեր մտքերն ու աղոթքները Բաղդադի և Քաբուլի հետ են», — այսպիսի գրառում է հրապարակվել Հայաստանի արտգործնախարարության թվիթերյան էջում։
#Terrorism is despicable especially during religious holidays. Our thoughts & prayers w/#Baghdad & #Kabul
— MFA of Armenia🇦🇲 (@MFAofArmenia) 31 мая 2017 г.
أفكارنا وصلواتنا مع بغداد وكابول pic.twitter.com/qbG4pedSvJ
Բաղդադում երկու պայթյունի հետևանքով ավելի քան 30 մարդ է մահացել, 100-ը` վնասվածքներ են ստացել։ Եվս մեկ ուժգին պայթյուն է որոտացել Քաբուլի դիվանագիտական թաղամասում։ Զոհվել է ավելի քան 80 մարդ, մոտավորապես 350-ը վնասվածքներ են ստացել։ Ահաբեկչությունների պատասխանատվությունը ստանձնել է «Իսլամական պետություն» կազմակերպությունը:
