ԵՐԵՎԱՆ, 31 մայիսի — Sputnik. Ղազախական «ՍԿԱՏ» ավիաընկերության Boeing-737 օդանավը մայիսի 31-ին կատարեց Աստանա-Երևան առաջին ուղիղ չվերթը:
Հայաստանում Ղազախստանի դեսպան Թիմուր Ուրազաևը նշեց, որ հունիսի 9-ին Աստանայում բացվելու է «Աստանա էքսպո 2017-ը», և «ՍԿԱՏ» ավիաընկերությունը հիանալի հնարավորություն է ընձեռում Հայաստանի քաղաքացիներին ներկա գտնվելու այդ հետաքրքիր միջոցառմանը, որին ներկայացված է լինելու 115 պետություն:
««ՍԿԱՏ» ավիաընկերությունը հայկական շուկայում ամուր ոտքերի վրա է կանգնած»,- ասաց Քաղավիացիայի գլխավոր վարչության օդային փոխադրումների կարգավորման վարչության պետ Աննա Չոբանյանը։
Ըստ նրա` այս չվերթը շատ կարևոր է և՛ զբոսաշրջության, և՛ տնտեսական կապերի, և՛ մեր երկու երկրների ժողովուրդների ավելի մոտ գտնվելու տեսանկյունից:
