Տարածված կարծիքը, թե Մոսկվայում տեղի ունեցող եղանակային փոփոխությունն անպայման պետք է անդրադառնա Հայաստանի վրա, սխալ է, նման օրինաչափություն չկա. Sputnik Արմենիային ասաց Գագիկ Սուրենյանը։
«Ինչ վերաբերում է մթնոլորտային ճակատին, որը Մոսկվայում ուժեղ ամպրոպ, քամի, տեղատարափ տեղումներ է առաջացրել, որևէ վտանգ չենք տեսնում, որ այն կարող է մոտենալ Հայաստանին։ Եթե նման վտանգ տեսնեինք, մենք կզգուշացնեինք»,- ասաց նա։
Սուրենյանի խոսքով` Հայաստանի տարածքում, հատկապես հյուսիսային կեսում, վաղը` մայիսի 31-ին, երեկոյան ժամերին կձևավորվեն ամպրոպային ամպեր, որոնց զարգացման ընթացքում առանձին հատվածներում չի բացառվում, որ 20-25 մ/վ քամու պոռթկում լինի։
«Տարվա այս ժամանակահատվածում դա տարածված երևույթ է»,- նշեց նա։
Վիճակագրությունը ցույց է տալիս, որ Հայաստանում քամու ավելացման թույլ միտում կա։ Ըստ նրա` հատկապես տարված այս ժամանակահատվածում, երբ ամպրոպային գործունեությունը հասնում է իր զարգացման պիկին, նման զարգացումը նորմալ երևույթ է։
