ԵՐԵՎԱՆ, 30 մայիսի — Sputnik. Հայաստանում անցած շաբաթ ծնված աղջիկների թիվը գրեթե չի տարբերվում տղաների թվից։ Դրա վկայությունն են Երևանի քաղաքապետարանի ներկայացրած տվյալները։
Երևանի քաղաքապետարանի աշխատակազմի առողջապահության վարչությունից տեղեկացնում են, որ մայիսի 19-25-ն ընկած ժամանակահատվածում մայրաքաղաքի ծննդատներում լույս աշխարհ է եկել 398 երեխա։
«Նորածիններից 200-ը տղա են, 198-ը` աղջիկ»,- նշված է հաղորդագրության մեջ:
Նշենք, որ մայիսի 12-18-ն ընկած ժամանակահատվածում տղաները 36-ով էին գերազանցել աղջիկների թվին։ Մայրաքաղաքի ծննդատներում լույս աշխարհ էր եկել 384 երեխա՝ 210 տղա, 174 աղջիկ։
Քաղաքապետարանի ներկայացրած տվյալների համաձայն` ընթացիկ տարվա ընթացքում Երևանում ծնված երեխաների թիվը գերազանցել է 7500։
