ԵՐԵՎԱՆ, 30 մայիսի — Sputnik. «Ծառուկյան» դաշինքի պատգամավորներ Խաչիկ Մանուկյանը, Արտյոմ Ծառուկյանն ու Հարություն Ղարագյոզյանը պատգամավորական մանդատից հրաժարվելու դիմում են ներկայացրել։
Այս մասին այսօր խորհրդարանի արտահերթ նիստում հայտարարեց ԱԺ նախագահ Արա Բաբլոյանը։
Նա նշեց նաև, որ դրանք ներկայացվել են ԿԸՀ՝ հետագա ընթացքն ապահովելու համար։
Հրաժարականի դիմումներ ներկայացրած երեք պատգամավորները դեռ մայիսի 2-ին էին ինքնաբացարկի դիմումներ ներկայացրել ԿԸՀ` հրաժարվելով մանդատներից, սակայն հաջորդ օրը գնացել էին Կենտրոնական ընտրական հանձնաժողով և պահանջել իրենց մանդատները: Թե ինչու նրանք երկրորդ անգամ ինքնաբացարկի դիմում ներկայացրին, մինչ օրս չեն պարզաբանել:
Կենտրոնական ընտրական հանձնաժողովը մեկ շաբաթվա ընթացքում պետք է տեղեկացնի, թե ովքեր են նրանց փոխարեն վերցնելու մանդատները:
