Բալայանը պատմում է, որ «Կիլիկիա» նավով իրականացված ճամփորդությունով իրենք մի քանի կարևոր կետի են հասել:
«Առաջին՝ երիտասարդներին ցույց տվեցինք, որ կարող ենք հասնել նրան, ինչին ձգտում ենք, և երկրորդ՝ Եվրոպայի շուրջ ճամփորդությունների ծրագրի միջոցով Հայաստանը մատուցեցինք դրսում»,- նշեց Բալայանը:
Նավապետը պատմեց նաև, թե ինչպես է 2009 թ-ին հերթական սիմպոզիումի ժամանակ զեկուցել իրենց իրականացրած ճամփորդության մասին և առաջակել նույն գաղափարն իրականացնել նաև Սև ծովում:
«Իմ զեկույցից հետո հերթ գոյացավ, մարդիկ այցեքարտեր էին տալիս, ուզում էին մասնակցել իմ առաջարկած ծրագրին: Եվ այդ հերթում կանգնածների ութսուն տոսկոսը թուրքեր էին:
Ես հասկացա, թե ինչ կատարվեց՝ մենք նշեցինք մեր ծովային սահմանները, թուրքերը կուլ տվեցին խայծը»,- ասաց Բալայանը:
Նա միաժամանակ խոսեց նաև «Կիլիկիա» նավի ապագայի մասին՝ ընդգծելով, որ եթե նավի համար թանգարան չկառուցվի, նավը պարզապես կկործանվի:
Նշենք, որ «Կիլիկիա» նավի ջրարկման օրից 15 տարի է անցել, իսկ նավի ապագա ողնուցն օրհնվել է դեռ 26 տարի առաջ:
