ԵՐԵՎԱՆ, 27 մայիսի — Sputnik. Նկարիչ Փարավոն Միրզոյանի «Հայկական ուրվապատկեր» խորագիրը կրող մենագրական ցուցահանդեսը բացվել է Բելառուսի ազգային գեղարվեստի թանգարանում:
Ցուցահանդեսը ներկայացնում է 1980-ականներից ցայսօր՝ Միրզոյանի ստեղծագործության մի ամբողջ շրջափուլ՝ ընդգրկելով 50-ից ավելի գեղանկարչական և գրաֆիկական աշխատանք:
Էքսպոզիցիան առանձնանում է բազմաժանրությամբ և թեմատիկ ու տեխնիկական լայն ընդգրկմամբ՝ բուսական, առարկայական թեմատիկ նատյուրմորտներ, բնանկարներ, կանանց պատկերումներ:
Նկարիչն իր ստեղծագործություններն առաջին անգամ է ցուցադրում Բելառուսում:
