ԵՐԵՎԱՆ, 26 մայիսի — Sputnik. Հայտնի շոումեն Գարիկ Մարտիրոսյանի կինը` Ժաննա Լևինան, հումորային գրառում է կատարել Հենրիխ Մխիթարյանի այն լուսանկարի տակ, որում նա պահում է Եվրոպայի Լիգայի գավաթը։
«Գարիկ, այսպիսի ծաղկամանի մասին էի քեզ խնդրում։ Այն կսազի մեր հյուրասենյակին։ Հարցրու Հենրիխից, խնդրում եմ, թե որտեղ է այն ձեռքբերել»,- ամուսնու գրառման տակ մեկնաբանությունների մեջ գրել է Լևինան։
Լևինայի հումորը չվրիպեց Մարտիրոսյանի բաժանորդների աչքից։ Նրանք դրական արձագանքեցին «Մխիթարյանի ծաղկամանից» ձեռք բերելու՝ Լևինայի «խնդրանքին»։
