ԵՐԵՎԱՆ, 25 մայիսի — Sputnik. Համաշխարհային ճանաչում ունեցող ֆրանսահայ ֆուտբոլիստ, աշխարհի և Եվրոպայի չեմպիոն Յուրի Ջորկայֆ-Գրիգորյանը շնորհավորել է Հենրիխ Մխիթարյանին` Եվրոպայի լիգայի եզրափակչում հաղթելու առթիվ։ Նա Թվիթերի իր էջում պատանի Մխիթարյանի հետ արված մի լուսանկար է տեղադրել։
«Այդ օրը դու ինձ ասացիր, որ մի օր Գավաթի հաղթող կճանաչվես։ Դու արժանի ես դրան, բարեկա՛մս», — լուսանկարի տակ գրառել է Ջորկայֆը։
*that day you told me you would one day win the Cup too…you deserve it my friend!!!!Congratulation @HenrikhMkh💪bravo @ManUtd🏆@armenia 🇦🇲 pic.twitter.com/6waoak6cPk
— Youri Djorkaeff (@youridjorkaeff) 25 мая 2017 г.
Նախօրեին Շվեդիայի մայրաքաղաք Ստոկհոլմում անցկացվեց Եվրոպայի լիգայի խաղարկության եզրափակիչ փուլը, որի ժամանակ «Մանչեսթեր Յունայթեդը» վստահ հաղթանակ տարավ հոլանդական «Այաքսի» նկատմամբ` Պոլ Պոգբայի և Հենրիխ Մխիթարյանի գոլերի շնորհիվ։ Այս հաղթանակը ՄՅ-ին ուղեգիրը ապահովեց Չեմպիոնների լիգա։
Գավաթը վերցնելու և հաղթանակը տոնելու համար Հենրիխ Մխիթարյանը դաշտ դուրս եկավ հայկական եռագույնը ձեռքին։
