ԵՐԵՎԱՆ, 25 մայիսի — Sputnik. Եվրոպայի լիգայի մրցաշարում գոլերի քանակով «Մանչեսթեր Յունայթեդի» ռեկորդակիր դարձավ կիսապաշտպան Հենրիխ Մխիթարյանը։ Այս մասին հայտնում է ակումբի պաշտոնական կայքը։
Եվրոպայի լիգայի եզրափակիչ խաղում Մխիթարյանի գոլը հինգերորդն էր։ Դրա շնորհիվ նա առաջ անցավ «Մանչեսթեր Յունայթեդի» նախկին և ներկա խաղացողներին` Քրիշտիանու Ռոնալդուին, Ռուուդ Վան Նիստելրոյին, Դուայթ Յորքին և Ուեյն Ռունիին։
Ակումբի պաշտոնական կայքը նշում է նաև, որ Մխիթարյանն իր գոլով կերտեց անգլիական ակումբի պատմությունը։ Մայիսի 24-ին Ստոկհոլմի «Ֆրենդս» մարզադաշտում «ՄՅ»-ն 2:0 հաշվով հաղթանակ տարավ «Այաքսի» նկատմամբ և դարձավ Եվրոպայի Լիգայի գավաթի հաղթող։
