ԵՐԵՎԱՆ, 25 մայիսի — Sputnik. ՀՀԿ գերագույն մարմնի նիստից հետո լրագրողների հետ զրույցում կուսակցության մամուլի խոսնակ Էդուարդ Շարմազանովը հայտնել է, որ կառավարության կազմում, բացի արդարադատության նախարարի փոփոխությունից, այլ փոփոխություններ չեն լինի։
«Կուսակցությունը որոշել է հնարավորություն տալ Կարեն Կարապետյանի թիմին շարունակել աշխատանքը։ Մենք, ընդհանուր առմամբ, դրական ենք գնահատում Կարեն Կարապետյանի կաբինետի աշխատանքը», — ասել է Շարմազանովը։
Նշենք, որ ավելի վաղ ՀՀ նախագահ Սերժ Սարգսյանը հրամանագրեր է ստորագրել 10 նախարարի վերանշանակման և կառավարության աշխատակազմի ղեկավար-նախարար Դավիթ Հարությունյանին արդարադատության նախարարի պաշտոնում նշանակելու վերաբերյալ:
