ԵՐԵՎԱՆ, 24 մայիսի — Sputnik. ԵԱՏՄ երկրների տրանսպորտի նախարարները հունիսի 6-ին Սոչիում կուսումնասիրեն ԵԱՏՄ շրջանակում օդային հաղորդակցության զարգացման «ճանապարհային քարտեզի» նախագիծը։ Այս մասին լրագրողներին է հայտնել ՌԴ տրանսպորտի փոխնախարար Վալերի Օկուլովը։
«Այս հարցն այսօր լուծվում է ԵԱՏՄ հարթակում։ Մեզ հանձնարարված է նախապատրաստել ԵԱՏՄ շրջանակում օդային հաղորդակցության զարգացման «ճանապարհային քարտեզը», այդ թվում նաև Ղազախստանի հետ», — ասել է Օկուլովը։
Նա նշել է, որ այս նախագիծն ուսումնասիրվել է նախօրեին, և այսօր կհաստատվի առայժմ որպես փաստաթղթի նախագիծ։ Օկուլովը հայտնել է, որ այդ նախագիծը կքննարկվի հունիսի 6-ին Սոչիում կայանալիք ԵԱՏՄ երկրների տրանսպորտի նախարարների հանդիպման ժամանակ։
ԵԱՏՄ-ն միջազգային ինտեգրացիան միավորում է, որը ստեղծվել է Մաքսային միության և Միասնական տնտեսական տարածքի հիման վրա, գործում է 2015 թվականի հունվարի 1-ից։ Միությունը ստեղծված է ԵԱՏՄ երկրներում ծառայությունների, ապրանքների, կապիտալի և աշխատուժի ազատ տեղաշարժումն ապահովելու նպատակով։ ԵԱՏՄ անդամ են Ռուսաստանը, Հայաստանը, Բելառուսը, Ղազախստանն ու Ղրղըզստանը։
