Վարդան Ոսկանյան. Թուրքիայի քրդերի արձագանքը՝ ՀՀ ԱԺ անդրանիկ նիստի՝ ազգությամբ քուրդ Կնյազ Հասանովի կողմից նախագահելու փաստին
Ոսկանյանի խոսքով` Հայաստանն իր քայլով ցույց տվեց, որ ազգային փոքրամասնությունների հանդեպ իր վերաբերմունքը տարբերվում է մյուս երկրներից։
«Եվ այս իմաստով մեր պետությունը ցույց է տալիս իրական, կայացած պետության հատկանիշները, որովհետև ուժեղ պետությունը երբեք վախեր չի ունենում ազգային փոքրամասնությունների խնդիրների հանդեպ։ Հակառակը` նպաստում է նրանց մշակույթի զարգացմանը, լեզվի պահպանության խնդիրներին»,- ասաց նա։
Հայաստանում կան նաև եզդիների և ասորիների համայնքներ, որոնք նույնպես պետականազուրկ ժողովուրդներ են։
«Ես կարծում եմ` մեր պետության, մեր ժողովրդի` նրանց հանդեպ հոգածությունը լավագույն ցուցիչն է առ այն, որ Հայաստան, ըստ էության այս տարածաշրջանում ապագա ունեցող երկրների թվում է»,- շեշտեց Ոսկանյանը։
