ԵՐԵՎԱՆ, 22 մայիսի — Sputnik. Եվրասիական տնտեսական հանձնաժողովը ձևավորել է ԵՏՄ երկրների այն ձեռնարկությունների նախնական ցանկը, որոնք պատրաստ են մասնակցել Ռուսաստանի կողմից անցկացվող ներմուծման փոխարինման ծրագրին, հայտնում է ԵՏՀ-ի մամուլի ծառայությունը։
Ցանկում ամենատարբեր նախագծեր են ներառվել` ինքնաթիռներում ուղևորների համար նախատեսված բազկաթոռների արտադրությունից մինչև բժշկական թանզիվի պատրաստում։ ԵՏՄ երկրների արտադրողների մասնակցության կոնկրետ մեխանիզմները ներմուծման փոխարինման ծրագրերում դեռևս պետք է լրացուցիչ քննարկել փորձագիտական մակարդակում։
ԵՏՄ-ի արդյունաբերության խորհրդակցական կոմիտեի նախագահ Սերգեյ Սիդորսկին կարևորել է արդյունաբերական գործակցության զարգացման համաձայնեցված մոտեցումներ մշակելը։
«Ներմուծման փոխարինման ծրագիրը նոր հնարավորություններ է ստեղծում ինտեգրացիոն գործիքների կիրառման համար։ Այն դեպքում, երբ արտադրանքն արդեն ԵՏՄ գործընկեր-պետություններից մեկում է, դրա կիրառումը թույլ է տալիս օպտիմալացնել պետության բյուջեի միջոցները, որոնք այն ուղղում է իր տարածքում նոր տեսակի արտադրանքի թողարկմանը»,- մեջբերվում է Սիդորսկու խոսքը։
ԵՏՄ պետությունների այն ձեռնարկությունների ցանկում, որոնք պատրաստ են մասնակցել ներմուծման փոխարինման ռուսական նախագծերի իրականացմանը, մի շարք բելառուսական կազմակերպություններ կան։ Բոլոր նախագծերն իրականացման տարբեր ժամկետների ունեն։ Պլանավորման ամենաերկար ժամանակը նախատեսված է 2025 թվականը։ ԵՏՄ-ում ներմուծման փոխարինման քննարկումը կշարունակվի կողմերի հետ խորհրդակցությունների շրջանակներում, ինչպես նաև խորհրդակցական կոմիտեի մոտակա նիստին, որը նախատեսված է անցկացնել ամռան վերջին կամ աշնան սկզբին։
ԵՏՄ անդամ են Ռուսաստանը, Հայաստանը, Բելառուսը, Ղազախստանն ու Ղրղըզստանը։
