ԵՐԵՎԱՆ, 20 մայիսի — Sputnik. Համաշխարհային ճանաչում ունեցող պրոֆեսոր Ֆիլիպ Ջենտին հայ մասնագետների համար դասընթացներ է անցկացնում պրենատալ ախտորոշման թեմայով:
Պրոֆեսորը Հայաստան է ժամանել ՀՀ առաջին տիկի Ռիտա Սարգսյանի հրավերով և զբաղվելու է հայ բժիշկների մասնագիտական հմտությունները զարգացնելու գործով:
«Ես եկել եմ դասախոսություն կարդալու համար, ընթացքում կփորձենք հասկանալ, թե պտղի մոտ ինչպես բացահայտել սրտի հետ կապված խնդիրները ուլտրաձայնային ախտորոշման օգնությամբ»,- ասաց Ջենտին:
Նրա խոսքով` մինչև երեխայի լույս աշխարհ գալը ախտորոշում կատարելը կարևոր է, քանի որ ծննդաբերությունից հետո երեխային տեղաշարժելու հետ կապված խնդիրներ են առաջանում: Հիվանդության ախտանիշները հաճախ ակնհայտ չեն լինում ծնվելուց անմիջապես հետո, և խնդիրներն առաջանում են երեխային տուն տանելուց հետո:
«Նախապես պտղի խնդիրների մասին տեղեկանալու պարագայում ծննդկանին երեխայի հետ կարելի է համապատասխան կենտրոն տեղափոխել: Շատ ավելի հեշտ է երեխային մոր արգանդում տեղափոխել, քան ծնվելուց հետո, քանի որ լուրջ խնդիրներ կարող են առաջանալ»,- ասաց Ջենտին:
Պրոֆեսորը խոշոր կրթական կայք է հիմնել, որն անվճար տեղեկություն է տրամադրում ամբողջ աշխարհի մասնագետներին: Երևանում Ջենտին երկօրյա դասախոսություն կանցկացնի հայ մասնագետների համար:
Մանկաբարձությունում և գինեկոլոգիայում ուլտրաձայնային ախտորոշման հայկական ասոցիացիայի ղեկավար Կարինե Թոխունցն, իր հերթին, նշեց, որ պրոֆեսորն այս բնագավառի հայտնի մասնագետներից մեկն է:
![Համաշխարհային ճանաչում ունեցող պրոֆեսոր Ֆիլիպ Ջենտին հայ մասնագետների համար դասընթացներ է անցկացնում։ водит для армянских специалистов курс по пренатальной диагностике Համաշխարհային ճանաչում ունեցող պրոֆեսոր Ֆիլիպ Ջենտին հայ մասնագետների համար դասընթացներ է անցկացնում։ водит для армянских специалистов курс по пренатальной диагностике - Sputnik Արմենիա](https://cdn.am.sputniknews.ru/img/738/53/7385372_0:79:999:707_600x0_80_0_0_810b378b581e0b301c3a29f7be7849e0.jpg)
![Համաշխարհային ճանաչում ունեցող պրոֆեսոր Ֆիլիպ Ջենտին հայ մասնագետների համար դասընթացներ է անցկացնում։ Համաշխարհային ճանաչում ունեցող պրոֆեսոր Ֆիլիպ Ջենտին հայ մասնագետների համար դասընթացներ է անցկացնում։ - Sputnik Արմենիա](https://cdn.am.sputniknews.ru/img/738/40/7384055_0:100:959:703_600x0_80_0_0_70664708a3c3cf9071568f5611ad7944.jpg)
![Համաշխարհային ճանաչում ունեցող պրոֆեսոր Ֆիլիպ Ջենտին հայ մասնագետների համար դասընթացներ է անցկացնում։ Համաշխարհային ճանաչում ունեցող պրոֆեսոր Ֆիլիպ Ջենտին հայ մասնագետների համար դասընթացներ է անցկացնում։ - Sputnik Արմենիա](https://cdn.am.sputniknews.ru/img/738/54/7385449_0:121:999:750_600x0_80_0_0_c8b92dfbdc0f4355d3cbf144c6e05d8a.jpg)
«Նա պտղի էխոկարդիոգրաֆիայի, ինչպես նաև աշխարհի ամենախոշոր կրթական կայքի հիմնադիրն է: Երկու օրվա ընթացքում պրակտիկ դասեր կանցկացնի պտղի մոտ սրտի արատի օպերատիվ հայտնաբերման վերաբերյալ»,- ասաց Թոխունցը:
Նրա խոսքով՝ Հայաստանում հիմնական խնդիրը անհրաժեշտ սարքավորումների բացակայությունն է, հատկապես շրջաններում:
Ջենտին Հայաստանում է գտնվում մոտ մեկ շաբաթ: Վերջին օրերին բժիշկը հասցրել է ճանապարհորդել երկրով իր տիկնոջ հետ և խոստովանում է, որ հիացած է Հայաստանով: