ԵՐԵՎԱՆ, 19 մայիսի — Sputnik. Նյու Յորքի կենտրոնում հետիոտներին վրաերթի ենթարկած Բրոնքսի բնակիչ Ռիկարդո Ռոխասը գտնվել է ոչ սթափ վիճակում։ Վրաերթի հետևանքով մի աղջիկ է մահացել և 20 մարդ տուժել։ Այդ մասին հայտնում է The New York Times-ը` հղում անելով իր աղբյուրներին։
Տվյալների համաձայն` Ռոխասը ոստիկանների հարցաքննության ժամանակ հայտնել էր, որ գլխում ինչ-որ ձայներ էին հնչում։ Իրավապահ մարմինների աշխատակիցը նշել է, որ անցկացրած թեստերը ցույց են տվել. վարորդը գտնվում էր մի նյութի ազդեցության տակ, որն օրգանիզմում հայտնվում է ծխելու հետևանքով, սակայն հետազոտության արդյունքները դեռ ամբողջությամբ պարզ չեն։ Նշվում է, որ Ռոխասը ԱՄՆ ՌԾՈՒ նախկին զինծառայող է, որտեղից նրան հեռացրել էին անհարգալից պահվածքի համար։ Նրան երկու անգամ ձերբակալել են հարբած և թմրանյութերի ազդեցության տակ մեքենա վարելու համար։
Բացի այդ, 2015 թվականին նրան կալանավորել էին իր ծանոթին դանակով սպառնալու համար։
What's happening in Times Square?? This car was in the sidewalk and people are on the streets pic.twitter.com/PsepRtfrAr
— gb (@gb__) 18 мая 2017 г.
Ավելի վաղ իշխանությունները պարզաբանել են միջադեպի հետևանքով տուժածների քանակը։ Ականատեսները նաև պատմել են տեսածի մասին։ Մայիսի 18-ին Նյու Յորքի կենտրոնական հրապարակում Honda ավտոմեքենայի վարորդը բարձրացել է մայթին և բախվել հետիոտների խմբին։ Վրաերթի հետևանքով 18-ամյա աղջիկ է մահացել, ավելի քան 20 մարդ տարբեր վնասվածքով գտնվում է հիվանդանոցներում։