ԵՐԵՎԱՆ, 19 մայիսի — Sputnik. Ազգային ժողովը քվեարկության դրեց «ՀՀ Ազգային ժողովի վեցերորդ գումարման մշտական հանձնաժողովներ ստեղծելու մասին» ՀՀ ԱԺ որոշման նախագծի երկու տարբերակ՝ ՀՀԿ-ինը և «Ելք» դաշինքինը:
Սկզբում քվեարկության դրվեց ԱԺ մեծամասնության նախագիծը։ Այն ընդունվեց ձայների 64 կողմ, 9 դեմ, 4 ձեռնպահ համամասնությամբ:
«Ելք» դաշինքի առաջարկին կողմ քվեարկեց պատգամավորներից 30-ը, դեմ 0, ձեռնպահ 1:
Հիշեցնենք, որ ՀՀԿ-ն նախատեսում է ԱԺ մշտական հանձնաժողովների քանակը կրճատել՝ նախկինում առկա 12 հանձնաժողովի փոխարեն առաջարկելով 9 հանձնաժողով: «Ելք»-ի առաջարկով ԱԺ-ն պիտի ունենար 10 մշտական հանձնաժողով և պահպաներ Մարդու իրավունքների հանձնաժողովը, որը կղեկավարեին իրենք:
