ԵՐԵՎԱՆ, 18 մայիսի — Sputnik. Հայ սամբիստները մայիսի 19-22-ը Մինսկում հանդես կգան Եվրոպայի տղամարդկանց, կանանց և մարտական սամբոյի առաջնությունում: Հայաստանի հավաքականում ընդգրկված է 18 սամբիստ: Այսօր հայ մարզիկները կժամանեն մրցավայր:
«Մարզական սամբոյում Հայաստանը կունենա տղամարդկանց ինը, կանանց` երկու, իսկ մարտական սամբոյում յոթ ներկայացուցիչ»,– այս մասին հայտնում է Հայաստանի ազգային օլիմպիական կոմիտեի մամուլի ծառայությունը։
Առաջնությանը մասնակցում են շուրջ 300 մարզիկներ` 29 պետությունից:
