Կանոնավոր չվերթերն իսկապես մեծ պահանջարկ ունեին, քանի որ Իսրայելում ապրում է մոտ 12 հազար հայ։ Այս չվերթը պատմական հայրենիք տանող կամուրջ կդառնա Իսրայելի տարբեր քաղաքներում ապրող հայերի համար։
Իսրայելցիներին Հայաստանում գրավում է էքստրեմալ զբոսաշրջությունը, իսկ հայերին` Ավետյաց երկրի ուխտագնացության վայրերը։
Այսօրվա Երուսաղեմը դժվար է պատկերացնել առանց հայերի։ Մեր հայրենակիցները կողք կողքի ապրում են հրեաների, մահմեդականների ու քրիստոնյաների հետ։ Նրանք համարում են, որ երկու հայրենիք ունեն, որոնցից մեկը պատմական հայրենիքն է` Հայաստանը, մյուսը հոգևորը` Երուսաղեմը։
Sputnik Արմենիայի թղթակիցները մասնակցել են ԶԼՄ-ների համար կազմակերպված ուղևորությանը և պատմում են Ավետյաց երկրի, Իսրայելի հայերի և չվերթի կարևորության մասին։ Մանրամասները դիտեք տեսանյութում։
