Տիգրան Մուկուչյան
Նրա խոսքով` ընտրական գործընթացը երբեք չպետք է դիտել որպես ականապատ դաշտ, երբ մեկ քայլ աջ կամ ձախ անելն անդառնալի կորստի է հանգեցնում։
«Ընտրական գործընթացի ժամանակ, հաշված ժամերի ընթացքում իրավահարաբերության մեջ են մտնում հազարավոր քաղաքացիներ, և, իհարկե, կարող են լինել միջադեպեր։ Օրենքի տարրական պահանջն է, որպեսզի դրանք քննության առարկա հանդիսանան, դրանց վերաբերյալ իրավական գնահատականներ տրվեն»,- նշեց Մուկուչյանը։
Ըստ նրա` երբ խոսում ենք ստվերման մասին, դա պետք է կապել ընտրությունների արդյունքի հետ։
«Իսկ այս պարագայում դատողություններ անելու համար պետք է դիտարկել այդ ամբողջի համակցությունը։ Հետևելով այդ ամենին` մեր դատողությունը մեկն է` ընտրական գործընթացն իրականացվեց Ընտրական օրենսգրքի պահանջներին համապատասխան»,- շեշտեց Մուկուչյանը։
