Սամվել Խուդոյան
Խուդոյանը նշում է`հայերի շրջանում ընտանիք երևույթն իսկական արժեք է, և մեզ մոտ ամուսնալուծվածի կարգավիճակը միանշանակ չի ընդունվում, հատկապես` կնոջ դեպքում։
«Դա ընկալվում է որպես բացասական երևույթ, սեփական անձի գնահատականը վնասող մի բան»,- ասում է նա։
Խուդոյանի խոսքով` այսօր ամբողջ աշխարհում ամուսնալուծությունների թվի ավելացման միտում կա, և արժեզրկվում է «ընտանիք» գաղափարը, մարդիկ շատ հաճախ նախընտրում են պարզապես սեռական կապ ունենալ, խուսափում են երեխաներ ունենալուց։
«Արևմտյան այս միտումները մեզ մոտ նկատվում են, բայց ընտանիքի մոդելի վրա չեն անդրադարձել։ Հայերի շրջանում շարունակվում է գերակշռել «ընտանիքդ պահպանիր» մոդելը։ Մեզ մոտ չես կարող հեշտ ու հանգիստ թողնել ու հեռանալ ընտանիքից»,- ասում է նա։
