ԵՐԵՎԱՆ, 15 մայիսի — Sputnik. Կենտրոնական ընտրական հանձնաժողովի հրապարակած վերջին տվյալների համաձայն՝ «Ելք» դաշինքի օգտին քվեարկել է մայրաքաղաքի ընտրողների 21 տոկոսը՝ 70731 մարդ։
«Երկիր ծիրանին» ստացել է քվեների 7,75 տոկոսը՝ 26109 քվե։
Հայաստանի հանրապետական կուսակցությունը առաջատարն է՝ 71,25 տոկոս (240036 քվե)։
2017թ. մայիսի 14-ի Երևանի ավագանու ընտրություններին մասնակցել է 345 226 մարդ՝ ընտրողների 40,99%-ը։ Հիշեցնենք, որ Երևանի ավագանու ընտրություններին մասնակցել է քաղաքական երեք ուժ` ՀՀԿ-ն, «Երկիր ծիրանի» կուսակցությունն ու «Ելք» դաշինքը։ Հայաստանի հանրապետական կուսակցության քաղաքապետի թեկնածուն գործող քաղաքապետ Տարոն Մարգարյանն է, «Երկիր ծիրանի» կուսակցության թեկնածուն` Զարուհի Փոստանջյանը, իսկ «Ելք» դաշինքինը` Նիկոլ Փաշինյանը։
