Գավաթն անցկացվեց Եղվարդ քաղաքին հարակից լճի մոտակայքում, որտեղ հատուկ դաշտ էր պատրաստվել թռիչքների համար:
Պարապլաներիզմի ֆեդերացիայի նախագահ Արմեն Սարգսյանը Sputnik Արմենիայի հետ զրույցում նշեց, որ գավաթն անցկացվում է փորձառություն ձեռք բերելու, հաջորդ տարի ավելի լայնածավալ մրցաշար կազմակերպելու, ինչպես նաև Հայաստանում սպորտային զբոսաշրջությունը զարգացնելու նպատակով:
Սարգսյանի խոսքով` մարզաձևը պարապլաներիզմն է, քանի որ հիմնական բաղադրիչը՝ թևը, պարապլանն է: Պարապլանի և շարժիչային պարապլանի տարբերությունն այն է, որ այս մարզաձևում առկա է շարժիչը, ինչը հնարավորություն է տալիս թռչել ոչ թե սարերից, այլ դաշտերից՝ թռիչքուղուց:
«Սա ավելի շատ փոքր ինքնաթիռ է, այդ իսկ պատճառով ներառված է թեթև ավիացիայի մեջ, այսինքն ինքնաթիռ է, որը կարող է թռչել այնքան ժամանակ, մինչև կվերջանա վառելիքը»,- ընդգծեց Արմեն Սարգսյանը:
