ԵՐԵՎԱՆ, 14 մայիսի — Sputnik. Շտապօգնության բրիգադը, Լիլիթ Դրամփյանի գանգատներին ծանոթանալով, գլխուղեղի ցնցում է կասկածել։ Աղջկան տեղափոխել են «Արմենիա» բժշկական կենտրոն, որտեղ կատարվել է ռենտգեն հետազոտություն։ Այս մասին tert.am-ի հետ զրույցում հայտնել է նեյրովիրաբուժական բաժանմունքի հերթապահ բժիշկ Արսեն Բեյբությանը։
«Գանգատներն են` գագաթի շրջանում ցավեր, սրտխառնոց։ Հիվանդը գտնվում է հետազոտման փուլում։ Կատարված ռենտգեն հետազոտությամբ խնդիր չի հայտնաբերվել,բայց ունենք բազմաթիվ հետազոտություններ, որոնք առաջիկայում կատարվելու են։ Հիվանդի կյանքին սպառնացող որևէ խնդիր չի հայտնաբերվել, վիճակը կայուն է»,-ասել է բժիշկը։
Զարուհի Փոստանջյանի դուստրը՝ Լիլիթ Դրամփյանը, հոսպիտալացված է։ Բժշկի տեղեկացմամբ` հիվանդն ունի որոշ վնասվածքներ արմունկային շրջանում։
