ԵՐԵՎԱՆ, 14 մայիսի — Sputnik. Ցանկացած ահազանգ, հրապարակում ուսումնասիրվում է և վերլուծության առարկա դառնում։ Այս մասին հայտնեց ԿԸՀ նախագահ Տիգրան Մուկուչյանը լրագրողների հետ զրույցում։
«Երբ խոսվում է որևէ հանգամանքի մասին և այն որակվում որպես ընտրախախտում, դա ոչ թե պետք է բավարարի որևէ մեկի ճաշակին, այլ ընտրախախտում կարող է համարվել միայն այն գործողությունը, որը հակասում է ընտրական օրենսգրքի պահանջներին»,-ասաց Մուկուչյանը։
Սա ասելով` նա նկատի ուներ այն դեպքը, երբ ահազանգ ստացվեց չհրկիզվող պահարանի` տեսադաշտից դուրս բերելու վերաբերյալ։
Մուկուչյանը վստահեցրեց, որ դա պարզապես պահարան էր, որի մեջ որևէ ընտրական փաստաթուղթ չկար։
