ԵՐԵՎԱՆ, 14 մայիսի — Sputnik. Մայիսի 12-ի լույս 13-ի գիշերը Արագածոտնի մարզի բնակիչ Հերմինե Տերտերյանին շտապ տեղափոխել են Երևան։ Նրա մոտ գրանցվել է վաղաժամ ծննդաբերություն, ուստի կատարվել է կեսարյան հատում։ ՀՀ ԱՆ գլխավոր մանկաբարձ-գինեկոլոգ Ռազմիկ Աբրահամյանը Sputnik Արմենիայի հետ զրույցում տեղեկացրեց, որ ծնված եռյակի մոտ եղել է շնչահեղձության վտանգ։
«Ծնվել են 2 աղջիկ և մեկ տղա` 1355,1500 և 1700 գ քաշով։ Նրանք խիստ հսկողության տակ են, քանի որ 3-ի մոտ էլ կա անհասություն»,-ասաց Աբրահամյանը։
Նա տեղեկացրեց, որ բեղմնավորումը եղել է բնական ճանապարհով։ Դա, նրա կարծիքով, զարմանալու տեղիք չպետք է տա, քանի որ ունի պարզ անվանում «բազմապտղություն»։
Հարցին, թե որն է այն քաշային սահմանը, որից անցնելով` երեխաների առողջական վիճակը կհամարվի կայուն, Ռազմիկ Աբրահամյանը պատասխանեց`2500 գրամ և ավելի։
