ԵՐԵՎԱՆ, 14 մայիսի — Sputnik. Ժամը 20։00-ի փակվեցին Երևանի 10 ընտրատարածքում գործող 474 ընտրատեղամասերը. ավագանու ընտրությունների քվեարկությունն ավարտվեց։
Քվեարկությանը կհաջորդի քվեների հաշվարկը, որից հետո պարզ կլինի` Տարոնը Մարգարյանը կշարունակի՞ զբաղեցնել Երևանի քաղաքապետի աթոռը, թե՞ նրան կփոխարինի Նիկոլ Փաշինյանը կամ Զարուհի Փոստանջյանը։
Վերջին տվյալով` ամենաակտիվ համայնքը Ավան վարչական շրջանն է` ընտրողների 46.72 տոկոս մասնակցությամբ։ Վերջինին հաջորդում են Նուբարաշենը, Նորք Մարաշը, Շենգավիթն ու Աջափնյակը։ Եթե դիտարկենք թվային տվյալներով, ապա առավել մեծ թվով քվեարկության մասնակիցները Շենգավիթ վարչական շրջանում են` 46.237 ընտրող։ Երևանում քվեարկելու իրավունք ունեցող անձանց թիվը 842147-ն է։
17:00-ի տվյալով` ընտրությանը մասնակցել է 290737 ընտրող կամ տոկոսային տվյալներով` ընդհանուր թվի 34.52 տոկոսը։
