ՀՀ ոստիկանության անձնագրային և վիզաների վարչությունը Կենտրոնական ընտրական հանձնաժողովին տեղեկատվություն է ներկայացրել Երևանում ընտրողների թվաքանակի վերաբերյալ: Նրա խոսքով` ԿԸՀ-ից կողմից հաստատված ժամանակացույցի համաձայն` վարչությունը հրապարակել է ընտրողների վերջնական ցուցակները և մեկ օրինակը տրամադրել ՏԸՀ հանձնաժողովներին, մյուս օրինակն էլ տրամադրել է տեղամասերում փակցնելու համար։ Բացի այդ, էլեկտրոնային եղանակով տրամադրվել են ցուցակները, որպեսզի տեղադրվեն սարքերի մեջ` ընտրության ժամանակ համապատասխան սարքավորումներով գրանցումն իրականացնելու համար։
Երևանի ավագանու ընտրություններին մասնակցելու իրավունք ունի 842 հազար 147 ընտրող, որից 6528-ը ՀՀ քաղաքացիություն չունեցող անձինք են։
Ավագանու ընտրություններին ընտրելու իրավունք ունի 18 տարին լրացած ՀՀ քաղաքացին, որը մինչ քվեարկության օրն ունեցել է 6 ամսվա հաշվառում Երևանում։ Բացառություն են կազմում զինվորական ծառայությունից զորացրվածները և ազատազրկման վայրերից ազատվածները, որոնց հաշվառման ժամկետը Երևանում սահմանափակված չէ։ Ի տարբերություն համապետական ընտրություններին, այս դեպքում ընտրական իրավունք ունենալու համար պարտադիր չէ ունենալ ՀՀ քաղաքացիություն։
Քվեարկելու իրավունք ունեն նաև ՀՀ քաղաքացիություն չունեցող, սակայն Երևանում մեկ տարվա հաշվառում ունեցող անձինք։ Նույն պայմաններն են գործում նաև ավագանու անդամի թեկնածուների, բայց ոչ քաղաքապետի թեկնածուի համար։
