ԵՐԵՎԱՆ, 13 մայիսի — Sputnik. Ռիգայում տեղի ունեցան Լատվիայի պատանեկան առաջնությունները: Մինչև 10 տարեկան աղջիկների մրցաշարում հիանալի հաջողության հասավ մեր հայրենակցուհի Ագնեսա Տեր-Ավետիսյանը: Այս մասին հայտնում է Հայաստանի շախմատի ֆեդերացիայի մամուլի ծառայությունը:
«Նա 9 հնարավորից վաստակեց 9 միավոր և հռչակվեց 2017 թվականի Լատվիայի մինչև 10 տարեկան աղջիկների չեմպիոնուհի»,- նշված է հաղորդագրության մեջ:
Այս արդյունքի շնորհիվ Տեր-Ավետիսյանը դարձավ Լատվիայի պատանեկան հավաքականի անդամ և իրավունք նվաճեց մասնակցելու աշխարհի և Եվրոպայի պատանեկան առաջնություններին:
Փոքրիկ շախմատիստը Վահագն Խաչատրյանի սանն է:
