ԵՐԵՎԱՆ, 13 մայիսի — Sputnik. ԱՄՆ սենատոր Էնթոնի Պորտանտինոն հայտարարել է, որ նահանգապետ Ջերի Բրաունը վերանայել է Կալիֆոռնիայի պետական բյուջեն և 1 մլն դոլար է հատկացրել Գլենդելում Հայ-ամերիկյան թանգարան կառուցելու համար: Այս մասին հայտնում է Asbarez-ը:
Պորտանտինոն ողջունել է գումար հատկացնելու որոշումը՝ շեշտելով, որ Ամերիկահայության թանգարանը շրջանի համար կենսական նշանակություն ունեցող դաստիարակչական ծրագրեր կիրականացնի:
Հայկական թանգարանի գլխավոր նպատակն է ներկայացնել ամերիկահայերի փորձն ու ԱՄՆ ազգային և մշակութային բազմազանությունը: Թանգարանի շենքում կգործեն ցուցասրահներ, ուսումնական կենտրոններ, փոքր թատրոն և լսարաններ: Թանգարանը, որի մակերեսը կկազմի 1,7 հա, շրջապատված կլինի գեղեցիկ պարտեզով:
