ԵՐԵՎԱՆ, 12 մայիսի — Sputnik. Մոսկվայի Սավեկովսկու դատարանը ուրբաթ օրինական է ճանաչել հայտնի «մրցարշվորդ» Մառա Բաղդասարյանի գործով դատավճիռը։ Նա դատապարտվել է ուղղիչ աշխատանքներից խուսափելու համար կեղծ հիվանդության թերթիկ ներկայացնելու պատճառով, փոխանցում է ՌԻԱ Նովոստին։
«Հաշտարար դատարանի դատավճիռը թողնել անփոփոխ, բողոքարկումը չբավարարել»,- վճիռը բարձրաձայնեց դատավոր Դմիտրի Մակրենկոն։
Ինչպես վճռեց դատարանի №77 հատվածը` Բաղդասարյանը, որին դատարանը ավելի վաղ պարտադիր աշխատանքներ է նշանակել Ճանապարհային երթևեկության կանոնների բազմաթիվ խախտումների համար, կեղծ հիվանդության թերթիկ է ներկայացրել պատժից խուսափելու համար։
Առաջին ատյանի դատարանում Բաղդասարյանը խոստովանել է, որ կեղծ փաստաթուղթ է օգտագործել։ Նրա պաշտպանը խնդրել է հաշտարար դատավոր Էլմիրա Արտեմենկոյին՝ սահմանափակվել տուգանքով, սակայն դատարանը «մրցարշավորդին» նշանակել է մեկ տարի ուղղիչ աշխատանք։
Ընդհանուր առմամբ, ՌԴ ՔՕ համապատասխան հոդվածը նախատեսում է մինչև 80 հազար ռումբի տուգանք, պարտադիր աշխատանք մինչև 480 ժամ և մինչև երկու տարի ժամկետով ուղղիչ աշխատանք։
Մառա Բաղդասարյանը 2016 թվականի մայիսին հայտնի է դարձել որպես Gelandewagen-ով սկանդալային մրցավազքի մասնակից։ Նրան ձերբակալել են 2016 թվականի նոյեմբերին՝ Մոսկվայի Լենինի անվան պողոտայում։ Բազմաթիվ խախտումների և ժամկետանց տուգանքների համար դատարանը ուղարկել է նրան պարտադիր աշխատանքի, որոնք նա բաց էր թողնում, որի պատճառով էլ ձերբակալվել է 15 օրով։
