Վանաձոր քաղաքից Սաբինա Մանվելյանը չհաղթահարեց «Ты супер!» նախագծի երկրորդ փուլը։
Պատմելով իր տպավորությունների և զգացմունքների մասին` աղջիկը խոստովանեց` ամենից շատ ափսոսում է, որ ստիպված է բաժանվել նոր ընկերներից, որոնց հետ «միասին նախաճաշում էին, դասեր ու գժություններ անում»։ Սաբինան մտադիր է շարունակել երգելը։
«Երգելը չեմ թողնի։ Չեմ կարող առանց երգերի»,- ասաց աղջիկը` չմոռանալով շնարհակալություն հայտնել բոլոր նրանց, ովքեր աջակցում էին իրեն։
«Ты супер!» մրցույթին Հայաստանը, բացի Սաբինայից, ներկայացնում էր նաև Անգելինա Պապիկյանը Գյումրիից։
ՆՏՎ հեռուստաալիքի և Sputnik միջազգային տեղեկատվական գործակալության և ռադիոկայանի «Ты супер!» նախագիծը ինքնադրսևորվելու հնարավորություն է տալիս ծնողական խնամքից զրկված տաղանդավոր երեխաներին։ Նախագծին մասնակցում են Ռուսաստանի և հետխորհրդային երկրների երեխաները։ Sputnik-ը պատանի տաղանդներ է գտել Աբխազիայում, Բելառուսում, Վրաստանում, Ղազախստանում, Ղրղըզստանում, Մոլդովայում, Էստոնիայում և Հարավային Օսեթիայում։
Sputnik-ի ռեսուրսներում շարունակվում է «Ты супер!»-ի մասնակիցներին սատարելու առցանց քվեարկությունը, որի արդյունքում առավելագույն ձայներ ստացած մասնակիցներից 3-ը Sputnik ռադիոյի եթերում ելույթ ունենալու և մրցույթի մասնակցության մասին պատմելու հնարավորություն կստանան։
