ԵՐԵՎԱՆ, 11 մայիսի — Sputnik. Երեկ երեկոյան, ժամը 18-ի սահմաններում արցախա-ադրբեջանական շփման գծի հյուսիսային հատվածում գնդակոծության է ենթարկվել «Շանթ» հեռուստաընկերության «Դիրքերում» հաղորդաշարի նկարահանող խումբը։
Ֆեյսբուք սոցիալական ցանցում հրապարակվել է մի տեսանյութ, որում երևում է, թե ինչպես են լրագրողները դուրս գալիս մեքենայի սրահից և փորձում են թաքնվել։
Ավելի վաղ «Շանթ» Հ/Ը «Դիրքերում» հաղորդաշարի հեղինակ Արշակ Զաքարյանը Sputnik Արմենիայի հետ զրույցում տեղեկացրել էր, որ Ստեփանակերտի հոսպիտալում վիրահատել են հաղորդաշարի օպերատոր Դավիթ Աթոյանին: Դավիթի առողջական վիճակը կայուն է: Զաքարյանին խոսքով` թշնամու գնդակոծումից վնասվել են Դավիթ Աթոյանը ոտքերը։ Դեպքը տեղի է ունեցել դիրքերում, նկարահանումներ իրականացնելու ժամանակ։ Գնդակոծությունից վնասվել է նաև «Դիքերում» հաղորդաշարի ծառայողական ավտոմեքենան։
