ԵՐԵՎԱՆ, 11 մայիսի — Sputnik. Ազգային ժողովի հասարակայնության և տեղեկատվության միջոցների հետ կապերի վարչության պետ Արսեն Բաբայանը ֆեյսբուքյան իր էջում գրել է, թե ով է նախագահելու նորընտիր խորհրդարանի առաջին նիստը։
Առաջին նիստը կնախագահի ամենատարեց պատգամավորը: Այս մասին գրել է Արսեն Բաբայանը։
«6-րդ գումարման Ազգային ժողովի ամենատարեց պատգամավորն է Կնյազ Հասանովը»,- նշել է նա ֆեյսբուքյան իր էջում։
Կնյազ Հասանովն ԱԺ-ում ազգային փոքրամասնության ներկայացուցիչ է։ Նա պատգամավորական մանդատ է ստացել ՀՀԿ ցուցակով։ Հասանովը ծնվել է 1945 թվականին։
Ավելի վաղ նշվում էր, որ առաջին նիստը կվարի Նապոլեոն Ազիզյանը։
