«Ազդարար» է համարվում այն ֆիզիկական կամ իրավաբանական անձը, ով, գործելով բարեխղճորեն, տեղեկություններ է հաղորդում կոռուպցիոն բնույթի դեպքի կամ հանրային շահերին ուղղված այլ վնասի մասին։
Այս մասին որոշման նախագիծը կառավարության նիստի ժամանակ ներկայացրեց արդարադատության արդեն նախկին նախարար Արփինե Հովհաննիսյանը։
«Այս օրենքների փաթեթը հակակոռուպցիոն պայքարի շրջանակում կարելի է հեղափոխական համարել։ Ըստ էության, պաշտպանություն է տրվում և սահմանվում է իրավական հարթության մեջ այնպիսի հասկացություն, ինչպիսին է ազդարարն ու ազդարարման համակարգը»,- ներկայացնելով նախագիծն` ասաց ՀՀ արդարադատության նախարար Արփինե Հովհաննիսյանը։
Ազդարար է ֆիզիկական կամ իրավաբանական անձ, ով գործելով բարեխղճորեն հաղորդում է տեղեկություններ կոռուպցիոն բնույթի դեպքի կամ հանրային շահերին ուղղված այլ վնասի վերաբերյալ «Սահմանվել է երեք տիպի ազդարարման համակարգ՝ ներքին, արտաքին ազդարարում և ազդարարում հասարակությանը։ Ներքին ազդարարման դեպքում մենք խոսում ենք այն մասին, երբ ազդարարը համապատասխան կոռուպցիոն դեպքի մասին տեղեկացնում է իր վերադաս անձին, արտաքին ազդարարման դեպքում, երբ ազդարարը կոռուպցիոն բնույթի դեպքի և հանրային շահին ներկայցվող վնասի պարագայում հաղորդում է ներկայացնում իրավապահներին, իսկ ազդարարում հասարակությանը՝ երբ նա այդ մասին իրազեկում է լրատվամիջոցներով կամ այլ ձևով տեղեկացնում է հանրությանը»,- շեշտեց Հովհանիսյանը՝ հավելելով, որ իրավական նոր կարգավորումների շրջանակում նախատեսված է միասնական էլեկտրոնային այնպիսի հարթակի ստեղծումը, որը հնարավորություն է ընձեռելու, որ անանուն կերպով ազդարարը կարողանա կոռուպցիոն դեպքերի մասին իր տեղեկությունը ներկայացնել իրավապահներին։
