ԵՐԵՎԱՆ, 11 մայիսի — Sputnik. Reddit կայքի համահիմնադիր Ալեքսիս Օհանյանը հիշել է Հայաստան կատարած այցը։ Աշխարհահռչակ թենիսիստուհի Սերենա Ուիլյամսի փեսացուն 2004 թվականին որպես կամավոր այցելել է պատմական հայրենիք։
«Ես թողեցի Reddit-ը 2010 թվականին և եկա Հայաստան՝ մի քանի ամիս որպես կամավոր աշխատելու։ Ահա մի հայկական գյուղական համայնք, որտեղ ես շատ ձեռներեցների հանդիպեցի, որոնք իրենց բիզնեսը զարգացնելու և կյանքը բարելավելու համար միկրովարկեր էին վերցնում, որովհետեւ խոշոր վարկ ստանալն այստեղ շատ դժվար է։ Ես կարող էի լինել նրանցից մեկը»,- Instagram-ի իր էջում գրել է Օհանյանը։
Օհանյանը նաև մեկ այլ լուսանկար է հրապարակել, որում հայկական զարդանախշերով դուռ է պատկերված։
«Մեր դռները լավագույն են»,- գրել է Օհանյանը։
