ԵՐԵՎԱՆ, 10 մայիսի — Sputnik. Անգլիական «Մանչեսթեր Յունայթեդը» ներկայացրել է նոր` երկրորդ խաղաշապիկը, որով թիմը կխաղա առաջիկա 2017-2018 սեզոնին, այս մասին հայտնում է ակումբի պաշտոնական կայքը։
Նախշերը արված են դասական ոճով։ Այդ ոճի շապիկներով խաղացել են «Մանչեսթեր Յունայթեդի» այնպիսի լեգենդներ, ինչպիսին են Ռայան Գիգգզը, Դևիդ Բեքհեմը և Փոլ Սքոուլզը։
![Новая форма Манчестер Юнайтед Новая форма Манчестер Юнайтед - Sputnik Արմենիա](https://cdn.am.sputniknews.ru/img/727/60/7276005_0:0:1100:579_600x0_80_0_0_2cdb6bbeec1496a6349b54e05e884d7d.jpg)
«Դիզայներների համար ոգեշնչման աղբյուր էր ակումբի պատմական մարզահագուստներից մեկը` 1990-92 թթ համազգեստը։ Համազգեստը ժամանակակից տեսք է ստացել` որոշ տեխնիկական շտկումներով», — հայտնում է կայքը։
2016 թվականի ամռանը Մխիթարյանը տեղափոխվել է «կարմիր սատանաների» մոտ Դորտմունդի «Բորուսիայից», որի կազմում նա խաղում էր 2013 թվականից` «Մանչեսթեր Յունայթեդի» հետ ստորագրելով չորսամյա պայմանագիր` մեկ տարի երկարացնելու հնարավորությամբ։ Կիսապաշտպանի տրանսֆերի համար ակումբը վճարել է 42 միլիոն եվրո։