ԵՐԵՎԱՆ, 8 մայիսի — Sputnik. Ստամբուլում լույս տեսնող «Ակոս» թերթի հետ զրույցում Դողանքյոյ (Թարթան) գյուղի բնակիչները պատմել են, որ վերջին անգամ անցյալ շաբաթ գանձագողերը վանք են եկել բահերով: Նրանք գանձագողերին զգուշացրել են, սակայն վերջիններս մահով են սպառնացել բնակիչներին:
Բնակիչներն այս հարցով դիմել են պաշտոնյաներին, սակայն ոչ մի գործողություն չի ձեռնարկվել։ Նրանց պատճառաբանել են, թե գողերին պետք է բռնել հենց հանցանքի վայրում գործողության ժամանակ:
Սուրբ Տրդատի վանքը 2005թ–ից գտնվում է պետական հսկողության տակ գտնվող տարածքում, սակայն չնայած դրան, այնտեղ վերականգնողական աշխատանքներ չեն անցկացվում, ինչ հետևանքով վանքը քանդվում է:
