ԵՐԵՎԱՆ, 7 մայիսի — Sputnik. «Ազգային ճակատ» աջ կուսակցության առաջնորդ Մարին լե Պենն արդեն ընդունել է իր պարտությունը Ֆրանսիայի նախագահական ընտրությունների 2-րդ փուլում և շնորհավորել իր մրցակից Էմանուել Մակրոնին: Այս մասին տեղեկացնում է ֆրանսիական Figaro թերթը:
«Ես զանգահարեցի Էմանուել Մակրոնին և շնորհավորեցի: Նրան մաղթեցի հաջողություններ, որովհետև ինձ համար կարևորը Ֆրանսիայի առաջընթացն է:»,-ասել է Լե Պենը՝ ելույթ ունենալով իր կողմնակիցների մոտ:
Լե Պենն ընտրություններում արձանագրած իր արդյունքն անվանել է պատմական և մասսայական և շնորհակալություն հայտնել ընտրությունների 2-րդ փուլում իր մոտ 11 միլիոն ընտրողներին:
Նշենք, որ ըստ 5 կազմակերպությունների անցկացրած հարցումների և կանխատեսումների՝ Մակրոնը ստացել է ընտրողների ձայների շուրջ 65 տոկոսը։ Իսկ «Ազգային ճակատ» կուսակցության ղեկավար Պարին Լե Պենը հավաքել է մոտ 35 տոկոս ձայն։
