ԵՐԵՎԱՆ, 6 մայիսի — Sputnik. Կրթության և գիտության նախարարություն կատարած այցի ընթացքում ՀՀ վարչապետ Կարեն Կարապետյանին զեկուցվել է հանրապետության դպրոցների օպտիմալացման ծրագրի մասին։ Այդ մասին նա գրել է Ֆեյսբուք սոցիալական ցանցի իր էջում:
«Այս կապակցությամբ նշել եմ, որ անհրաժեշտ է իրականացնել օպտիմալացում և տնտեսված միջոցները որպես բոնուս ուղղել ուսուցիչների աշխատավարձերի, սահմանամերձ գոտիներում աշխատավարձի գործակիցների բարձրացմանը, տարբեր խնդիրների լուծմանը»,- գրել է ՀՀ վարչապետը։
Նա նշել էնաև, որ անդրադարձ է կատարվել հանրակրթության բովանդակային բարեփոխումներին, մասնավորապես, «Արարատյան բակալավրիատ» ծրագրին, 2018 թվականից ֆիզմաթ ուղղվածություն ունեցող դպրոցների ցանցի ստեղծման, ինչպես նաև հանրակրթական դպրոցներում ձեռներեցության և ֆինանսական կրթության առարկաների ներդրման հարցերին։
